BORTIRI ATERPEA
BORTIRI ATERPEA
Jarrai dezagun esperientzia ahaztezinak leku zoragarrietan partekatzen.
Bortiri aterpea Nafarroako Pirinioen bihotzean dago, eta mendi-ibiliak, goi-mendiak eta aire zabaleko jarduerak egiteko aukera ematen du. 36 pertsonarentzako lekua dago, eta instalazio modernoak, berogailua, ondo hornitutako sukalde bat eta egongela bat ditu, abenturaz betetako egun baten ondoren elkarrekin egoteko. Atseden hartzeko eta naturaz gozatzeko leku ezin hobea da, ingurune eroso eta jasangarri batean.
Erreserbak bazkideek bakarrik egin ditzakete.
ATERPEA ERABILTZEKO ARAUDIA
Etxera iristerakoan bai instalazio elektrikoa, bai berokuntza (neguan) aktibatuta egongo dira.
Mendiko botak beti beheko solairuan utziko ditugu, horretarako pentsatutako lekuan, eskailerapean.
Sukaldean bi bitrozeramika plaka daude. Ezinbestekoa da hauek era egokian zaintzea, garbi mantenduz.
Aurkituko duzuna: baxera-detergentea, bitrozeramika plaken garbigarria, espartzuak, sukaldeko tresnak, oinarrizko baxera, garbitzeko materiala eta trapuak.
Topatuko ez duzuna: papera, plastikoa eta beirarako zabor poltsak, olioa, ozpina, gatza eta azukrea.
Erabili ondoren, sukaldea eta tresna guztiak garbi utzi behar dira.
Etxezainarekin afaria (eta gosaria nahi ezkero) adostu duten taldeek, baxera garbitu eta jaso beharko dute bukatzerakoan.
Zaborraren gestioa: zaborra udaleko kontainerretan bota beharko da egunero. Papera, plastikoa eta beira birziklatu behar dira.
Mahaiak partekatu behar dira. Erabili ezazue soilik behar duzuena.
Beste edozer gauza egiten ari bagara eta beste pertsona batzuk jangela erabili behar badute, haiei utzi beharko zaie lekua (aterpeak egongela bat dauka).
Jangela erabili ondoren garbi utzi beharko da.
Giltzak hartzerakoan esandako ohatzeak erabiliko dira beti.
Logeletako apaletan burukiak eta edredoi meheak daude. Burukiak erabiltzeko beharrezkoa da burko-azala eramatea.
Logeletan ezin da jan.
Aterpearen ezaugarriak kontutan hartuta (passive house) logeletako lehioak itxita egongo dira beti neguan eta udaran, ahal den denbora gehienean.
Komunetan komuneko papera egongo da. Toallak eraman behar dira.
Mugikorrak kargatzeko puntuak komunen alboan daude.
Zaborretara bota behar diren hainbat gauza (toallitak…) ezin dira komunetik bota.
Liburutegi txikia eta mahai jokoak daude.
Proiekzioak egin daitezke.
Egongelan ezin da jan.
Gure ingurua zainduko dugu, zarata, soinua eta zikinkeria saihestuz.
Aterpea kerik gabeko eremua da.
Animaliak ezin dira sartu.
Kamera bat egongo da aterpearen sarreran sarbidearen kontrola egiteko segurtasuna bermatzeko.
Isiltasuna mantenduko dugu 23:00 tatik 7:00 ak arte.
Izena emandako pertsonek bakarrik erabil dezakete aterpea.
Aterpearen tarifak erabilera-eta mantentze- gastuak ordaintzek baino ez dira.
Aterpera doazen pertsonek erabilpen desegokiaren ondorioz zerbait hondatu badute (baxera…), ordezkatu edo balio duen zenbatekoa ordaindu beharko dute.
Giltza galtzen bada, 30 euro ordaindu beharko dira.
Ateratzerakoan, zabor guztia bota eta erabili dugun guztia garbitu beharko dugu.
Hozkailua garbi dagoela eta barruan janaririk ez dagoela ziurtatu behar dugu.
Giltzak itzultzeko epea 3 egun dira.
Etxezainak aterpearen egoera aztertuko du astelehen, asteazken, ostiral eta irteera bakoitzaren ondoren.
Beharrezkoa bada, aterpearen sarreran koadro elektrikoa non dagoen adierazten da.
Beharrekoa bada, leihoak irekitzeko heldulekua dago.
Botikina beheko solairuaren komunean dago (jangelaren ondoan).
Arau hauek ez betetzeak zigorra ekar dezake, CVCEren Zuzendaritza Batzordeak baloratu beharrekoa.
HISTORIA
“Isiltasuna aterpeko erabiltzaileen pausuek edo haizearen uluak bakarrik apurtzen duten lekua”
Egongelako leihotik, Bortirin, mendi-hegal malkartsuan behera erortzen diren Uztarrozeko etxeak ikusten dira, haien tximinia ketsuekin eta pagadietan korapilaturiko laino-zerrendekin. Eten egin den garai bateko paisaia bukolikoa dirudi, beste mundu batekoa. Eta bertan aterpeko erabiltzaileen pausuek edo haizearen uluak bakarrik apurtzen dute isiltasuna.
Uztarroze Nafarroako Pirinioen bihotzean kokatuta dagoen mendiko herri bat da, eta izen bereko haran estuaren bi isurialdeak hartzen ditu, Eska ibaiaren goi-ibarrean. Club Vasco de Camping elkarteak 1973an inauguratu zuen Bortiri aterpea, betiko ametsa errealitate bihurtuz, Klubean ohikoa den bezala, bazkide talde baten interesik gabeko ekimenari esker.
Belaunaldi eta kezka desberdinetako mendizaleak egon dira Bortirin, lasai ibiltzea gustatzen zaion jendea nahiz zailtasuneko eskalatzaileak. Mendi horietako txokoek eskaintzen duten soseguaren bila datorren beteranoa nahiz paisaia berriak bilatu eta erronka berriei aurre egiteko irrikaz dauden gazteak. Biek aurkituko dute Bortirin jardunaldi luze baten ondorengo atsedena edo eguraldi txarrak eragindako sufrimendua arintzeko babesleku erosoa.
Aterpea erabiltzeko eskaera ikusita, Klubak ondoko ukuilua egokitzeko lanak abiarazi zituen, eta 1996an Bortiri Berri sortu zen, Bortiriren ondoan dagoen aterpe independentea, eskaintza zabaltzeko aukera eman zuena. Bortiri hogei pertsonarentzako ostatua ematen hasi zen hiru logelatan, eta Bortiri Berri, aldiz, 10-12 pertsonarentzako logela bat. Bi aterpeek berokuntza eta sukalde bat dute, modernoa eta ondo egokitua, komunez eta dutxez gain (ur beroarekin).
2018an, aterpea guztiz birmoldatzeko eta handitzeko lanen ondoren, orain ezagutzen dugun aterpea inauguratu genuen. 36 pertsonarentzako lekua dago, eta instalazio modernoak eraikuntza jasangarri eta ingurumenarekiko atsegin batean. Gainera, Mendi eta Natura Eskolaren egoitza izateko ezinbesteko ekipamendua eskaintzen du.
Aterpea bidegurutze geografiko ezin hobean kokatuta dagoenez, Bortiritik Otsagabiara eta Zaraitzu ibarrera joan gaitezke, baita Irati oihanera, Orira eta Larraine bailarara (mendiaren beste isurialdean), Larra Belaguako parke naturalera, Izabara eta Erronkari ibarrera, edo Aragoiko Ansó eta Zurizara ere.
Abodin edo Iratin barrena mendi-ibiliak edo gailur mitikoetako goi-mendiak egin ahal izateaz gain (Anie edo Hiru Erregeen Mahaia, adibidez), eskalada egin dezakegu Ansabere, Alanos, Ezkaurre edo Espelungan. Neguan leku paregabea da mendiko eskirako, eta iraupen-eskirako estazioak ere gertu ditugu, hala nola Abodi, Belagua edo Linza, baita Areteko estazioa ere, eski alpinorako. Gainera, ondoko bailaretako eskaintza turistikoari esker, Bortirik hainbat probatan parte hartzeko aukera ematen digu: mendiko eskiko Bandres-Karolo proban, Larraine-Larraine proba zikloturistan, edo Ezkaurrera doan Camille Extreme mendiko lasterketan, adibidez. Proba horiek ohiko mendi-jardueren eskaintza borobiltzen dute.
Gure bigarren etxean, Bortirin, Klubeko bazkide guztientzako eta haien mendi-erronka guztientzako lekua dago.
36 pertsonarentzako lekua dago, eta instalazio modernoak eraikuntza jasangarri eta ingurumenarekiko atsegin batean.
KONTSULTATU ERABILGARRI DAGOEN
Erreserbatu Bortiri aterpea!
